2020 жылдың 2 сәуiрiнде «Ақмола жұлдыздары» XX мерейтойлық көркемөнерпаздар байқауы бастау алады.
Ұлы Отан соғысы Жеңiсiнiң 75 жылдығы, Қазақстан Республикасы Конституциясының 25 жылдығы және Қазақстан халқы Ассамблеясының 25 жылдығыүлкен шығармашылық мерекесiнiң арқауы болмақ.
Халық шығармашылығы байқауы талай жылдар бойы рухани дәстүрдi сақтау, туған жерге деген сүйiспеншiлiктi арттыру, жаңа таланттарды ашу жолының негiзi болып табылады.
Өзiнiң ерекше қырлары мен дәстүрлерi бар ауқымды жоба бiздiң облыстың көркемөнер әртiстерiне өз таланттарын түрлi жанрда көрсетуге, өзiнiң шығармашылық әлеуетiн ашуға мүмкiндiк бередi.
Көрермендер әсерлi, түрлi жанрлы бағдарламаларды тамашалай алады.
Байқаудың бастапқы кезеңiнде облыстың аудандары мен қалаларының кәсiпорындарында, мекемелерiнде, ауылдық округтерiнде алғашқы iрiктеу кезеңiн ұйымдастыру және өткiзу жоспарлануда.
Екiншi кезеңдебайқаудың аудандық және қалалық гала-концерттерi өтедi.
Байқау аясында Ақмола облысының қолөнер және бейнелеу өнерi шеберлерiнiң Қазақстан халқының мәдениетiн, тұрмысын, дәстүрiн көрсететiн үздiк жұмыстары ұсынылған «Ақмола шеберлерi» атты көрмесi ұйымдастырылады.
Облыстық байқау қатысушыларды салтанатты марапаттау рәсiмiмен және мерейтойлық гала-концертпен аяқталады.
