2025 жылдың 10 тамызында Көкшетау қаласының Қопа көлінің жағалауында қазақтың бас ақыны Абай Құнанбайұлының 180 жылдығына арналған «Әнді сүйсең, менше сүй.. » облыстық ән байқауы өтті.
Байқау Абай мұрасын кеңінен насихаттау, шығармалары арқылы жас ұрпақ бойына рухани құндылықтарды қалыптастыру, халқымыздың төл өнерінің бірі – дәстүрлі әншілікті дамытуға бағытталды.
Қазылар алқасының құрамына Үкілі Ыбырай атындағы Ақмола облыстық филармониясының солисі, «Мәдениет қайраткері» құрмет белгісінің иегері Есов Жанат, Облыстық халық шығармашылық және мәдени демалыс орталығы директорының міндетін атқарушы Асхат Магавин, әнші, Ғ.Жұбанова атындағы республикалық байқаудың лауреаты, Үкілі Ыбырай атындағы Ақмола облыстық филармониясының солисі, облыстық халық шығармашылық және мәдени демалыс орталығының маманы Серікболсын Бекмолдин енді.
Іріктеу және қорытынды кезеңінен тұратын байқауға Ақмола облысының Ақкөл, Аршалы, Астрахан, Атбасар, Біржан сал, Бурабай, Есіл, Ерейментау, Қорғалжын, Сандықтау, Шортанды, Целиноград аудандары мен Қосшы, Степногорск қалаларынан 18 өнерпаз қатысты.
Байқау қорытындысы бойынша жүлделі бірінші орынға Ерейментау ауданынан келген Бейбарыс Айтмуғамбетов ие болды. Екінші орынды Біржан сал ауданынан Еламан Мұратханов пен Қорғалжын ауданынан Ақылтай Зекеновке берілді. Жүлделі үшінші орын Целиноград ауданынан келген Ермек Қасымға, Қосшы қаласынан Азат Тұранелге және Степногорск қаласынан Ақмарал Маратқа бұйырды. Қорғалжын ауданынан Әйгерім Әзімқызы «Көрермен көзайымы» номинациясы иегері атанды.
Байқау жеңімпаздары мен қатысушылары диплом және ақшалай сертификаттармен марапатталды.