Облыстық халық шығармашылық және мәдени демалыс орталығының ұйымдастыруымен 2024 жылғы 16 мамыр күні Сандықтау ауданында «Мейірімді жүрек» облыстық инклюзивті байқау-фестивалі өткізілді.
![](https://ocnt.kz/wp-content/uploads/2024/05/whatsapp-image-2024-05-16-at-16.49.51-1-1024x576.jpeg)
Мүмкіндіктері шектеулі балалардың қоғамда әлеуметтік бейімделуіне жағдай жасау, өнерге баулу, мүгедек балалар мен жасөспірімдердің үйлесімді дамуына ықпал ету, жаңа дарын иелерін анықтау байқаудың басты мақсаты болды.
![](https://ocnt.kz/wp-content/uploads/2024/05/whatsapp-image-2024-05-16-at-16.49.52-1-1024x576.jpeg)
Өнер додасы екі кезеңмен өтті: іріктеу және қорытынды гала-концерт.
![](https://ocnt.kz/wp-content/uploads/2024/05/whatsapp-image-2024-05-16-at-16.49.53-1024x576.jpeg)
Ақмола облысының аудан, қалаларынан қатысуға ниет білдірген өнерпаздар келесі номинациялар бойынша өнерлерін ортаға салды: «Хореография», «Музыкалық аспапта орындау», «Вокал» және «Ым-ишарамен ән орындау».
«Мейірімді жүрек» облыстық фестивалінің гала-концертіне Ақкөл, Астрахан, Атбасар, Аршалы, Егіндікөл, Есіл, Ерейментау, Зеренді, Сандықтау, Жарқайың аудандары және Көкшетау, Степногорск қалаларынан 20 өнерпаз қатысып, көрермендердің ыстық ықыласына бөленді.
Қорытынды гала-концертке қатысушылар диплом және сыйлықтармен марапатталды.